Құрметті достар!

2011 жылы Біріккен Ұлттар Ұйымының Бас Ассамблеясы 30 шілдені Халықаралық достық күні деп жариялады. Бұл күн халықтар арасындағы келісімді, достықты, өзара сыйластықты, бейбітшілік пен ынтымақтастықты нығайтудың маңыздылығын еске салады.

Қазіргі жаһандық сын-қатерлер жағдайында біздің қоғамның келісімі мен бірлігі ерекше маңызға ие болады.

Достық – өзара сенім, ашық диалог, бір-бірін қолдау және қамқорлық. Достықтың арқасында түрлі этностар мен мәдениеттердің өкілдері татулықпен келісім атмосферасында бейбіт аспан астында бірге өмір сүреді.

Қазақстан тәуелсіздік жылдарында ел ішінде және халықаралық деңгейде адамдар арасындағы келісім, бірлік, өзара түсіністік және сыйластық сияқты жалпыадамзаттық құндылықтарды белсенді түрде ілгерілетуде. Шын мәнінде,дәл осы құндылықтар – кез-келген мемлекеттің тұрақты дамуының басты шарты. Қазақстан халқы Ассамблеясы оларды жүйелі негізде жүзеге асыруға дәйекті үлес қосып келеді.

Ассамблеяның қызметі, оның миссиясы мен мақсаты – бейбітшілік пен келісімді, этносаралық татулық пен мәдени әралуандықты нығайту бағытындағы күнделікті тынымсыз еңбек.

Біз әр азаматтың өзін Отанымыз – Қазақстанның ажырамас бөлігі ретінде сезінуі үшін жұмыс істейміз.

Достықтың күші кез-келген қиындықты жеңе алады.

Баршаңызға бейбітшілік, амандық және өркендеу тілеймін!

Кейін қарай