2025 жылғы 7 тамызда елордадағы Достық үйінде этномәдени бірлестіктердің жастарына арналған «Құрмет пен төзімділік қоғамды бейбітшілікке, келісім мен дамуға апаратын жол. Өзара құрмет құндылықтары» тақырыбында семинар-тренинг өтті.

Іс-шараны Қазақстан қырғыздары қауымдастығы ұйымдастырды. Семинар-тренингтің жетекші жаттықтырушысы Қазақстан қырғыздары қауымдастығы Аналар кеңесінің төрайымы Шынар Мәмбетәлиева.

Тренинг ойын түрінде өтті. Бірінші бөлімде қатысушылар екі топқа бөлініп, құрмет пен төзімділік ұғымдарын талқылады.Екінші бөлімде қатысушылар рөлдік көріністер қойып, қарсылас командаға көрініс арқылы жасырын сөзді табуға көмектесті.

Іс-шара соңында қатысушылар өз әсерлерімен бөлісіп, жастар арасында өзара құрмет пен диалог мәдениетін қалыптастырудың маңыздылығын атап өтті, сондай-ақ ұйымдастырушыларға алғыс білдірді.

Тренинг соңында барлық қатысушыларға сертификаттар табысталды.

Кейін қарай