2016 жылға 22 қыркүйекте  Достық үйінде «Қоғамдық келісім» КММ қызметкерлері мен этномәдени бірлестік мүшелері   Ресейдің әскери-теңіз флотын қарсы алды.

Мекеменің қонақжайлылығына бөленген 100-ден астам әскерлер, 20-ға жуық капитандар мен генералдар қазақтың ұлттық сусындары – шұбат пен айран ішіп, бауырсақ пен құрттан дәм татты. Арнайы ұйымдастырылған экскурсия барысында қонақтар Достық үйі, облыстық Қазақстан халқы Ассамблеясының қызметімен танысты.

Іс-шара барысында Ресейдің Қазақстандағы елшісі Михаил Бочарников мұражайдағы «Тілек кітабына» ізгі-тілектерін жазып, қолтаңбасын қалдырды. Ол Достық үйі қызметкерлерінің атқарып жатқан игі  істеріне  зор табыс тіледі. Сондай-ақ, елші этномәдени бірлестік өкілдерімен өткен кеңейтілген отырысқа қатысты.

Қонақтарға арналған мерекелік концертте  Дағыстан мен «Самур» лезгин этномәдени бірлестіктерінің «Шадвал» би ансамблі өнер көрсетті. Теңіз әскерлері жақсы көңіл-күйге бөленіп, шапалақтарын аямады. Іс-шара соңында олар ұйымдастырушыларға ризашылықтарын білдіріп, алғыстарын айтты.

Кейін қарай