2023 жылғы 21 қыркүйекте «Қоғамдық келісім» КММ және Достық үйлері директорларының республикалық әдістемелік кеңесінің онлайн-отырысы өтті.

Іс-шараға Қазақстан Республикасының Мәдениет және ақпарат министрлігі Этносаралық қатынастарды дамыту комитетінің төрағасы Ғалым Шойкин, ҚР МАМ «Қоғамдық келісім» РММ директоры Элина Масагутова, өңірлік «Қоғамдық келісім» КММ басшылары мен Достық үйлерінің директорлары, Қазақстан халқы Ассамблеясы мен этномәдение бірлестік мүшелері қатысты.

Әдістемелік кеңес өткізудің негізгі мақсаты - өңірлердегі «Қоғамдық келісім» КММ мен Достық үйлерінің жұмысын дамыту, туындап отырған өзекті мәселелерді қарастыруға бағытталған.

ҚР МАМ Этносаралық қатынастарды дамыту комитетінің төрағасы Ғалым Шойкин өз сөзінде Комитет алдында этномәдени бірлестіктер мен Ассамблеяның қоғамдық құрылымдарының ағарту жұмыстарын күшейту бойынша аса маңызды міндет тұрғанын айтты. Осыған байланысты "Қоғамдық келісім" мен Достық үйінің қызметкерлерге қолдауды қамтамасыз ету, сондай-ақ олардың біліктілігін үздіксіз арттыру қажет екендігін деді.

Өңірлердегі жұмыстың ерекшеліктері туралы Абай, Ұлытау, Солтүстік Қазақстан және Алматы облыстарының "Қоғамдық келісім" КММ басшылары бөлісті. Спикерлердің сөйлеген сөздерінде назар аударуды талап ететін бірқатар мәселелерді белгіледі, олардың шешімі өңірлердің алдына қойылған міндеттерді іске асыру деңгейін сапалы арттыруға мүмкіндік береді.

Кейін қарай