Ассамблеяның жұмысына қалың бұқараның белсенді қатысуын көздейтін l орасан ресурсы бар. Бұл l Қоғамдық келісім кеңестері. Қазақстан бойынша 2 600 кеңес бар. Олар 18 мың адамды қамтып отыр. Бұл кеңестердің қызметінде ұлт құраушы - ҚАЗАҚТАРДЫҢ біріктіруші рөлі айқын.

10 жыл бұрын құрылған Қоғамдық келісім кеңестері қазір

- қоғамдық бақылау мен кері байланыстың тиімді тетігі;

- ақпараттық-түсіндіру;

- жергілікті өзін-өзі басқару элементі ретінде жұмыс істеп келеді.

Мысалы, осы жылдың өзінде Қоғамдық келісім кеңестеріне азаматтардан 6 300 өтініш келіп түсті. Оның 2500-і оң шешімін тапты. Қалғандары – бақылауымызда тұр. Әлемдік індет жағдайында біздің кеңестер бес мыңға жуық іс-шара өткізді. Оларға 120 мың адам қатысты. Түркістан облысында 190 Қоғамдық келісім кеңесіне 1200 адам мүше. 2015 жылы Мақтааралдағы оқиғалардан кейін, біз ауылдарды аралап, алпыс мыңнан астам аулаға кіріп, халықты тыныштандырып, жинақталған мәселелерді шештік. Бүгінгі таңда Қоғамдық келісім кеңестері

- «Халық үніне құлақ асатын мемлекет» тұжырымдамасын;

- жергілікті өзін-өзі басқару заңын;

- ауыл әкімдерін сайлау бағыттарын қызметінің негізіне алып, қоғам мен билік арасындағы сенімді көпір ретінде өз жұмысын жалғастырады.

Бекмұрзаев Сейіт Дәуітбекұлы,

Түркістан облысы Төлеби ауданы

ҚХА Қоғамдық келісім кеңесінің

төрағасы

Кейін қарай