Kozybayev University кітапханасы СҚО Қазақстан халқы Ассамблеясымен бірлесіп «Интеграция, жалпыұлттық бірлік және этносаралық қатынастарды үйлестіру» тақырыбында эссе байқауын өткізді.

Ұйымдастырушылар атап өткендей, Мемлекет басшысы Қазақстан халқы Ассамблеясы Кеңесінің кеңейтілген отырысында интеграцияның, жалпыұлттық бірліктің, этносаралық қатынастарды үйлестірудің өзекті тақырыбы бойынша іс жүзінде пайдалы зерттеулер жүргізуді тапсырған болатын. Сондықтан Kozybayev университетінің кітапханасы бұл мәселеге шығармашылықпен қарауға шешім қабылдады.

Байқауға қатысушылар еліміздің Тұңғыш Президентінің бейбітшілік пен келісімді сақтауға қосқан зор үлесін атап өтті. Бүгінде олардың барлығы Отан игілігі үшін, елдегі тұрақтылықты сақтау үшін еңбек етуге дайын.

- Көп жағдайда мемлекеттің бейбіт дамуына оның әл-ауқаты әсер етеді. Бүгінде біздің көпұлтты елімізде жүзден аса этнос тұрады. Біздің Тәуелсіздігіміздің барлық кезеңінде республика аумағында тұратын халықтар саны азайған жоқ. Мәдениет, тілдер, дәстүрлердің сан алуандығы біздің басты игілігіміз. Мейірімділік, отанға деген сүйіспеншілік, адалдық және еңбек - кез келген табысты дамудың негізі. Біз бүгін қазақстандықтардың ең жоғары адами қасиеттерге ие екендігін, соның арқасында ел табысты дамып, халықтар арасындағы достық сақталып отырғанын мақтанышпен айта аламыз. Біздің республикамыздың бірлігі бүкіл әлемнің қауіпсіздігіне ықпал етеді, - деп атап өтті қатысушылар.

Байқауда жеңіске жеткендер арнайы сертификаттармен марапатталды.

Кейін қарай