Солтүстік Қазақстан облысының Қазақстан халқы ассамблеясы ҚР Тәуелсіздігінің 30 жылдығына арналған «30 игі іс» жобасы аясында «Жақсылық жаса» қайырымдылық акциясын өткізді.

«Барбанг» күрдтер қауымдастығы» республикалық қоғамдық бірлестігі облыстық филиалы, «Түрік мәдениеті» қоғамдық бірлестігі өкілдері, «Сібір казактарының бауырластығы» және «Қазақстанның орыс қауымы» этномәдени бірлестіктерінің мүшелері әлеуметтік аз қамтылған отбасыларға, жалғызбасты зейнеткерлерге гуманитарлық көмек көрсетті. Өрттен зардап шеккен отбасына арнайы «Urpaq» қазақ мәдени-ағартушылық орталығының мүшелері азық-түлік пен кеңсе заттарын сыйлады. «Видергебурт» Солтүстік Қазақстан облыстық неміс мәдени орталығы» қоғамдық бірлестігі қайырымдылық эстафетасын қабылдап, жалғызбасты әкелерге көмектесті.

Сонымен қатар «30 игі іс» марафоны аясында этномәдени бірлестіктердің өкілдері, еріктілер облыстық қан орталығы ұйымдастырған донор акциясына қатысты. Бұл акцияға «Орыс, славян, казак ұйымдарының қауымдастығы» облыстық филиалы бастамашы болды.

«Дуслык» Солтүстік Қазақстан облыстық татар-башқұрт орталығы» қоғамдық бірлестігінің мүшелері Полудинский балалар үйіне барып, балаларға концерттік бағдарлама мен түскі ас ұйымдастырды. «Әзірбайжан мәдениеті орталығы» тұрақты түрде балалар мен зейнеткерлерге қажетті медициналық дәрі-дәрмектерді сатып алуға көмектесіп келеді. Сол сияқты Солтүстік Қазақстан ҚХА мүшелері мен белсенділері жалғызбасты зейнеткерлердің ауласын қардан тазалап берді.

Кейін қарай