Солтүстік Қазақстан облыстық «Қоғамдық келісім» КММ медиация кабинетінің жетекшісі, заң ғылымдарының кандидаты Гүлбақша Мұсабаева аудиториямен жанды диалог түрінде қатысушыларды Қазақстан Республикасындағы медиация институтының ұғымымен, қағидаларымен және заңнамалық негізімен таныстырды.

Семинар-тренингке қатысушылар жанжалды жағдайлардың сюжеттері желісінде бейнефильмдерді тамашалады. Оның барысында Г. Нұрмұқанқызы еріктілерді медиация процедурасының әдістері мен техникаларының көмегімен даулар мен жанжалдарды моделдеуге үйретті.

Семинар-тренингтің басты сәті «іскерлік ойын» болды. Медиатордың және медиация тараптарының рөлі бөлініп, дау-жанжалды жағдайлар мен оларды Тараптармен келіссөздер жүргізу жолымен реттеу орын алды. Гүлбақша Мұсабаева «белсенді тыңдау», фокус кездесулер өткізу және т. б. техникаларға үйретті.

Семинар қатысушылары медиацияны қолданудың маңызды сәтін - дау-жанжалды жағдайға кіргеннен гөрі, оны алдын алу тиімдірек екенін түсінді.

Ең бастысы, медиация техникасы еріктілерге олардың жұмысында, олар әртүрлі ерекше жағдайларға тап болғанда қажет.

Кейін қарай