2017 жылдың 21 мамыры  күні  «Бірлік пен келісім» сулы-жасыл гүлзарында Ақтөбе облысы Қазақстан халқы Ассамблеясы мен облыстық «Шатлык» татар мен башқұрт этномәдени бірлестігінің ұйымдастыруымен дәстүрлі Сабантой ұлттық мерекесі өтті. Сабантой – татар мен башқұрт ұлтының көктемгі науқанның аяқталуын мерекелеудің басты символы. Бұл мыңжылдық тарихы бар мереке егін бітік шықсын деген ниетпен тойланады.

Молшылық пен достықтың, еңбектің  мейрамы саналатын сабантойда татар - башқұрт халқының салт- дәстүрлері таныстырылып, ұлттық тағамдар таратылып, спорттық жарыстар ұйымдастырылды. «Steppe Idea» мүмкіндігі шектеулі балаларға арналған арт-студиясы мүмкіндігі шектеулі балалар мен этномәдени бірлестік балалары арасында сурет салу конкурсын өткізілді.

Ақтөбеліктер «Язгы Моннар» татар мен башқұрт халықтық ән-би ансамблінің, облыстық және аудандық этномәдени бірлестіктерінің шығармашылық ұжымдарының өнерін тамашалай алды. Ақтөбелік татар-башқұрттарды құттықтауға Сабантой мерекесіне облыс әкімінің орынбасары Е.Нұрғалиев қатысты. Сонымен қатар мән - мағынасы зор мерейлі мерекені тойлау үшін Алматы, Ақтөбе аудандарынан және Башқұртстан мен Татарстаннан арнайы қонақтар ақтөбеліктерге мереке сыйлады.

«Ақтөбе облысы әкімінің аппараты» ММ

«Қоғамдық келісім» КММ

баспасөз қызметі

Кейін қарай