Өткен демалыста облыстық славян этномәдени бірлестігінің ұйымдастыруымен Қошқар ата өзенінің жағасында жастар арасында турникке тартылудан жарыс өтті.

Жастардың жазғы демалысын тиімді  өткізу, салауатты  өмір салтын қалыптастыру  мақсатында өткен спорттық іс-шараға 33 адам қатысып, бақ сынады.

Тартысты өткен сайыстың 6 жеңімпазына және сол жерде өнер көрсеткен өнерпаздарға алғыс хаттар мен қаржылай сыйлықтар табыс етілді.

Игі іс-шараның өтуіне Оңтүстік Қазақстан облысы Қазақстан халқы  Ассамблеясы, «Мирас» университеті және «Блинчик» сауда  желісі қолдау көрсетті.

Кейін қарай