Семейдің Достық үйінде Татар өнер мектебінің тапсырысымен дайындалған және ҚХА-ның 25 жылдығына, сондай-ақ Татар АКСР-нің құрылғанына 100 жыл толуына орай «Даңқты жетістіктер шежіресі» кітабының тұсаукесері өтті.

Ол 1988 жылдан 2019 жылға дейінгі кезеңде Семей қаласында татар мәдениетін, дәстүрін, тілін жаңғырту және дамыту туралы түрлі басылымдарды, газеттерді, журналдарды басып шығаруды қамтиды. Кітап 3 томнан тұрады, онда татар облыстық этномәдени орталығының, халық ансамбльдерінің, өнер мектебінің құрылу тарихы, сондай-ақ мерекелерді өткізу шежіресі көрсетілген.

Кітапта Татар өнер мектебі оқушыларының облыстық, республикалық және халықаралық байқаулардағы жеңістері туралы көптеген жарияланымдар бар. Бұл басылым қаланың, еліміздің тарихын бейнелейді.

Достық үйінің фойесінде қаланың тарихы, татар халқының салт-дәстүрлері туралы кітаптар мен жарияланымдар көрмесі, сондай-ақ өнер мектебі тәрбиеленушілерінің суреттері мен қолөнер бұйымдары келушілердің назарына ұсынылды.

Іс-шараның салтанатты бөлігін ҚХА мүшесі, «Хак» Прииртыштық татарлардың және башқұрттардың одағы» Ассоциация төрағасы, Татар өнер мектебінің директоры Г. Ахунжанов кіріспе сөзімен ашты. Ол татар этносы өкілдерінің Отанымыздың мәдениетіне, атап айтқанда, оның жарқын өкілдеріне қосқан зор үлесін атап өтіп, кітапты таныстырды.

Бұдан әрі бағдарламада татар өнер мектебі оқушыларының музыкалық нөмірлері көрсетіліп, журналист, татар мәдениетін танымал еткен Виктория Купцованың бейне үндеуі ұсынылды.

Кейін қарай