Шығыс Қазақстан облысы Қазақстан халқы Ассамблеясының ғимаратында этномәдени бірлестіктер өкілдеріне арналған республикалық семинар-тренинг өтті.

Іс-шараны Қазақстан халқы Ассамблеясы, Қазақстан Республикасы Ақпарат және қоғамдық даму министрлігі «Қоғамдық келісім» РММ ұйымдастырды.

Семинарда Шынар Тәукібаева, ҚР АҚДМ «Қоғамдық келісім» РММ этномәдени бірлестіктермен өзара іс-қимыл басқармасының бас сарапшысы Нұрғалиев Алмаз, «Қазақстандық татар және башқұрт конгресі» РҚБ басқарма мүшесі Ахунжанов Габдулхак, клиникалық психолог «Рух» психология және тұлғаны дамыту орталығының директоры Баймухаметова Резеда және т.б қатысты.

Қазақстан Республикасы Тәуелсіздігінің 30 жылдығына арналған семинарда қатысушылар Ассамблеяның мақсаттары мен міндеттерін жүзеге асырудағы тәжірибелерімен бөлісті, Ассамблеяның этномәдени бірлестіктері қызметінің заманауи міндеттері мен перспективаларын қарастырды.

Клиникалық психолог Баймухаметова Резеда адам миының құрылымы, этникалық және нәсілдік қатыстылығына қарамастан ақпаратты қалай қабылдайтыны туралы айтып беріп, «Киберкеңістіктегі қауіпсіздіктің психологиялық аспектілері-төзімсіздікті насихаттайтын және оларды зорлық-зомбылыққа итермелейтін тілге қарсы іс-қимыл әдістері» тренингін өткізді.

Семинар соңында қатысушылар Шығыс Қазақстан облысының этноауыл, сәулет-этнографиялық және табиғи-ландшафтық мұражай-қорығына барып, осы аймақта тұратын этностардың мәдениеті мен тұрмысымен танысты.

Кейін қарай