Іс-шараға Қазақстан Республикасы Парламенті Сенатының депутаттары Ғалиасқар Сарыбаев пен Қазақстан халқы Ассамблеясы Журналистер клубының республикалық төрағасы Алишер Сатвалдиев, Шымкент қалалық Ассамблеясы жанындағы Журналистер клубының төрағасы Әбдез Иманқұлов, сондай-ақ бұқаралық ақпарат құралдарының өкілдері, блогерлер, қалалық этномәдени бірлестіктердің басшылары, М.Әуезов атындағы Оңтүстік Қазақстан университетінің журналистика және қазақ тілі кафедрасының студенттері қатысты.

Кездесу барысында Қазақстан халқы Ассамблеясының XXXIV сессиясында Мемлекет басшысы берген тапсырмаларды іске асыру мәселелері, сондай-ақ ақпараттық кеңістіктегі жауапкершілік пен кәсіби этика тақырыптары талқыланды.

Спикерлер мемлекеттік этносаясатты БАҚ-та және әлеуметтік желілерде жариялау кезінде кездесетін өзекті мәселелерді көтеріп, қолжеткізген жетістіктермен қатар бар олқылықтарды да атап өтті. Сонымен қатар этносаралық қатынастар саласындағы терминдерді дұрыс қолдану жайы қозғалып, өңірлік, қалалық және аудандық бұқаралық ақпарат құралдарында жұмыс істейтін журналистердің әлеуметтік жағдайын жақсарту, еңбекақыларын көтеру мәселелері бойынша бірқатар ұсыныстар айтылды.

Айта кету керек, Шымкент қалалық Қазақстан халқы Ассамблеясы жанындағы Журналистер клубы 2018 жылдан бері тұрақты жұмыс істеп келеді. Клубтың негізгі мақсаты — жалпыұлттық бірлікті нығайтуға, этносаралық келісімді, патриотизм мен рухани-мәдени тұтастықты арттыруға үлес қосу. Сонымен қатар клубтың маңызды бағыты — этносаралық қатынастар, азаматтық бірегейлік, патриотизм және толеранттылық тақырыптарын жариялау кезінде журналистердің жауапкершілігін қалыптастыру болып табылады

Кейін қарай