А.ж. 19 қазанда Шымкент қаласының Достық үйінде Қазақстан халқы Ассамблеясының қолдауымен Корейлер қауымдастығының 35 жылдығына арналған салтанатты іс-шара өтті.

Мерекелік шараға ҚХА Төрағасының орынбасары - Қазақстан корейлері қауымдастығының басшысы Юрий Шин, ҚР Президенті Әкімшілігі ҚХА Хатшылығы меңгерушісінің орынбасары Ғалымжан Махан, Шымкент қаласының Ішкі саясат және жастар істері басқармасы басшысының орынбасары Заңғар Үсіпахметов, Қазақстандағы Корея Республикасы Елшілігінің өкілдері, қалалық ҚХА қоғамдық құрылымдары мен жастар қанатының мүшелері қатысты.

7 мыңнан астам корей этносы өкілдерінің басын біріктірген Шымкенттегі корейлер қауымдастығының бүгінгі күні мәдени дәстүрлерді қолдау, этностар арасындағы бірлік пен достықты нығайту және өңірдегі этносаралық диалогты дамытудағы рөлі ерекше.

Салтанатты іс-шара корей халқының бай мұрасы мен Шымкент қаласының көпмәдени өміріне қосқан зор үлесін айқындайтын мәдени бағдарламамен аяқталды.

Кейін қарай