Корей халқының «Сольааль» атты  жаңажылдық мерекесі Батыс Қазақстан облысының жаңадан ашылған  Достық үйінде аталып өтті.

Жаңажылдық  мерекені тойлауға арналған іс-шараға  Қазақстан халқы Ассамблеясы Төрағасының орынбасары – Хатшылықтың меңгерушісі  Ералы Тоқжанов, Батыс Қазақстан облысының әкімі   Нұрлан Ноғаевтар құрметті қонақ ретінде қатысып, өз лебіздерін білдірді.

Алдымен жаңа ғимараттың дәлізінде Қазақстанды мекен еткен барлық этнос өкілдері өз отандастары – корей этносымен бірге би билеп, ән айтып келген қонақтарды қарсы алды.  Қонақтар корей халқының мәдениетімен танысып, концерт залында өткен мерекелік іс-шараны тамашалады.

Корей этномәдени бірлестігінің басшысы Максим Пак іс-шараны ашып, жиналғандарға Ұлт жоспары – 100 нақты қадамның  төртінші  бағыты бойынша жұмыс жасау – қазіргі заманның  талабы екенін тілге тиек етті. Айта кету керек, осы уақытқа дейін  корей этномәдени бірлестігі  батыс өңіріндегі қайырымдылық іс-шаралардың көшбасшысы  болып келеді.  Бірнеше қайырымдылық  жобаларды атқарған,  соның ішінде ерекшесі -  «Болашаққа көзқарас» атты  жоба - мүмкіндіктері шектелген  азаматтарды әлеуметтік  ортаға бейімдеу болып табылады.  «Арба»   қоғамдық  бірлестігінің басшысы  Гульмира Батпақұлова сөз алып корей халқына,  Максим Пакка  қоғамға пайда тигізіп, мүмкіндіктері шектелген  азаматтарды ортаға бейімделуге  жасаған  көмектері  үшін алғысын білдірді.

Басқа да этномәдени бірлестіктердің өкілдері іс-шараға қатысып, өз отандастарымен – корей жаңа жылын бірге тойлады.

 БҚО әкімі аппаратының «Қоғамдық келісім» КММ –нің баспасөз қызметі

Кейін қарай