2022 жылғы 27 желтоқсанда Солтүстік Қазақстан облыстық Қазақстан халқы ассамблеясы Журналистер клубының қорытынды отырысы өтті.

СҚО ҚХА Журналистер клубының төрайымы Валентина Корнева Клуб мүшелерін жылдың сәтті аяқталуымен құттықтады. Валентина Юлюсьевна бір жыл ішінде Журналистер клубының барлық мүшелері өз шығармашылық қабілеттерін танытқанын, облыстық Қазақстан халқы ассамблеясының қызметіне белсенді қатысып, қазақстандықтардың өміріндегі маңызды оқиғалар мен іс-шараларды жариялағанын атап өтті.

Отырыс аясында этножурналистиканы дамытуға қосқан үлесі және Қазақстан халқы ассамблеясының қызметін жариялағаны үшін Журналистер клубының мүшелері Қазақстан Республикасы Ақпарат және қоғамдық даму министрлігінің «Қоғамдық келісім» РММ директоры Қазбек Майгельдиновтың алғыс хаттарымен марапатталды.

Журналистер клубының төрайымы В.Корнева «Конфессияаралық келісім және көп мәдениетті қатынастар туралы үздік материал» номинациясы бойынша «Newsky Award» халықаралық сыйлығының күміс белгісіне, естелік мүсіншесі мен дипломына ие болды.

Сонымен қатар, «Polonia» Қарағанды облыстық поляк қоғамы» қоғамдық бірлестігі төрағасының атынан В.Корневаға Қазақстандағы поляктардың тарихын сақтау бойынша журналистік зерттеулер жүргізгені үшін Қазақстандағы поляктардың жер аударылуының 85 жылдығына арналған естелік медаль табысталды.

Біз СҚО ҚХА Журналистер клубының мүшелерін лайықты марапаттарымен шын жүректен құттықтаймыз! Шығармашылық табыс, қызықты да жасампаз идеялар тілейміз!

Кейін қарай