ҚҰРМЕТТІ ҰСТАЗДАР!

Сіздерді кәсіби мерекелеріңізбен шын жүректен құттықтаймын.

Шәкірттерін білім нәрімен сусындатып, тәлім-тәрбие беріп, асыл қасиеттерді бойына молынан дарытып, адамгершілік бағыт-бағдар беріп жүрген ұстаздардың еңбегі қай заманда да аса құнды әрі өлшеусіз.

Себебі, ұстаз берген тәлім тәрбие әрбір жанның өміріне жол сілтер, қараңғыда жарық берер шамшырақ секілді.

Сондықтан, бүгін ұстаздарыңызға тағы бір мәрте алғыс айтып, SMS жіберудің, мүмкіндігіңізше гүл шоқтарын сыйлап, қошемет көрсетудің жақсы бір себебі.

Өйткені оларға қандай құрмет көрсетсек те, артық етпес.

Осынау мерейлі күнді пайдалана отырып, бала тәрбиесіне бар ғұмырын арнайтын, өз ісіне адал абзал жанды ұстаздарыма шексіз алғысымды білдіремін.

Дендеріңізге саулық, отбасыларыңызға амандық, еліміздің болашағын ойлайтын өнегелі ұрпақ тәрбиелеуде толайым табыс тілеймін.

Шәкірттеріңіз биік шыңдардан көрініп, еңбектеріңіз ақтала берсін!

Қазақстан халқы Ассамблеясы Төрағасының орынбасары – Хатшылық меңгерушісі

Марат Әзілханов

Кейін қарай