Отбасы күніне орай Қызылорда облыстық іскер әйелдер қауымдастығы және облыстық Қазақстан халқы Ассамблеясы бірлесе отырып, көпбалалы аналармен кездесу ұйымдастырды.

Кездесуге қатысушылар отбасы мәртебесін арттыру, бала тәрбиелеудегі ата-аналардың рөлі, отбасы бақыты мен берекесі туралы мәселелерді талқылады.

Барлық қонақтар бір шаңырақтың түтінін түтетіп отырған, отбасындағы махаббатты, келісімді, берекелі жанұяның керемет салт-дәстүрлерін құрметтей білген әйелдер. Бұл отбасылардың барлығын үлгілі деп атауға болады, себебі олар ұрпақтар сабақтастығын сақтай алған жандар.

Кездесу соңында әрбір қатысушыға естелік ретінде сыйлықтар табысталды.

Кейін қарай