2016 жылғы 14 сәуір күні Қазақстан Республикасының Ұлттық академиялық кітапханасында Қазақстан халқы Ассамблеясы Төрағасының орынбасары – Хатшылық меңгерушісі Ералы Тоғжановтың Францияның Экономика, қоғам және қоршаған орта мәселелері жөніндегі кеңесінің еуропалық және шетелдік істер бойынша секциясының төрағасы Жан-Мари Камбасереспен кездесуі болып өтті.  

Кездесу барысында делегация қоғамдық келісім мен ұлтаралық бірліктің қазақстандық моделімен таныстырылды. Ералы Тоғжанов шетелдік қонақтарды Қазақстан халқы Ассамблеясының құрылу тарихы, конституциялық мәртебесі, міндеттері және этносаралық келісімді нығайту бойынша жүргізіліп жатқан жұмыстары туралы хабардар етті. Сондай-ақ, кездесу соңында тараптар Екі жақты ынтымақтастық туралы  меморандум қабылдау мүмкіндігі төңірегінде пікір алмасты.

Камбасерес мырза елімізде тұрып жатқан түрлі этностық топтарға тең құқықтар мен мүмкіндіктерді қамтамасыз етудегі Қазақстанның оң тәжірибесін атап көрсетті, сондай-ақ Қазақстанда жүргізіліп отырған бейбітшілік пен келісім саясатын Франция жоғары бағалайтынына сендірді. Айта өту керек, ҚХА мен Франция өкілдерінің осы кездесуі алғашқы болып табылады. 

Кейін қарай