Кездесуге қатысушылар Мемлекет Басшысының қаңтар айындағы оқиғалардағы саяси еркі мен батылдығын атап өтіп, барлық азаматтардың әл-ауқатын арттыруға бағытталған «Жаңа Қазақстан» тұжырымдамасын құру идеясын іске асыруға сөзсіз қолдау білдірді.

«Президент бастамасымен жарияланған «Жаңа Қазақстан» тұжырымдамасы, бірінші кезекте, қоғамның тұтастығын білдіреді. Қабылданған шаралар кешені елдің саяси және экономикалық өміріндегі жасампаз өзгерістерге қуатты серпін беретіні сөзсіз. Осы орайда бұл күндері Қазақстан халқы Ассамблеясы өз қызметін қайта жандандыру бойынша арнайы шараларды іске асыруда", - деп атап өтті М.Әзілханов.

Өз кезегінде түрік бірелестігінің мүшелері барлық этностардың жаңа ауқымды реформаларды жүзеге асыруға белсенді қатысуын қолдады. Өскелең ұрпақтың рухани және адамгершілік тәрбиесіне, жастардың жұмыспен қамтылу деңгейін арттыруға, ұлттық мәдениетті дамыту мен ілгерлетуге, жалпы тіршілік әрекетінің басқа да маңызды аспектілеріне ерекше назар аударылды.

«Қаңтар айының басында Қазақстан халқымен бірге осынау қиын кезеңді бастан өткердік. Мемлекет Басшысының қолдауының арқасында халықпен бір кісідей жұмылып ынтымағымызды сақтай білдік. Әрине әрқайсымыз үшін халықтың әлеуметтік тұрақтылығы мен қауіпсіздігі басты орында. Сондықтан қазір ҚХА-ның, оның құрылымдары мен сыбайластарының негізгі міндеті - қызметті жаңа деңгейге шығарып, тиімді іс-әрекет жасау. Байқаушы рөлін сомдамай, нақты игі шараларды іске асыруға атсалысу, Отанымыз – ортақ үйіміз Қазақстанның одан әрі гүлденуі үшін нақты қадам деп білемін», - деді өз сөзінде ҚР «Ахыска» түрік ЭМБ төрағасы З.Касанов.

Кездесу қорытындысы бойынша қатысушылар ортақ мәмлеге келіп, ұсынылған шараларды бірлесе атқаруға дайын екендіктерін білдірді.

Кейін қарай