1 наурыз күні Өскемен қаласында тұңғыш рет «Алғыс айту» мерекесі тойланды. Жарқын әрі шуақы мерекеге Шығыс Қазақстанның барлық аудандарынан жиналған  этномәдени бірлестіктер өкілдері де атсалысты. Сонымен қатар залға облыстағы достық үйлерінің фотокөрмесімен қатар, Қазақстан халқы Ассамблеясының  тарихы жайынан сыр шертетін деректер қойылды.

Іс-шараны облыс әкімінің орынбасары  Жақсылық Омар мен мәслихат депутаты Владимир Головатюк ашып, жиналған қауымды мерекемен құттықтады және іс-шараға жиналған құрметті қонақтарға «Ассамблея жылы» төсбелгісін табыстады.        

Алғыс айту күні -  ең алдымен, елімізде тыныштық пен үйлесім, өзара сенім мен барлық қазақстандықтарға деген құрметтің орнығуына негіз болған Президенттің бейбітшілік пен келісім саясатының салтанаты күні. Бұл - тағдыр тәлкегімен Қазақстан аумағына еріксіз қоныс аударған түрлі этностардың миллиондаған өкілдерінің құтты қонысына айналған қасиетті қазақ жері мен қонақжай қазақ халқына тағзым ететін күн. Қазақ халқы қиын-қыстау заманда келген ұлттардың бәрін бауырына басты, барын алдына тосты.  Сондықтан бұл күн — түрлі ұлт өкілдеріне қорған болған Ұлы Дала еліне деген алғыс күні!

Түрлі ұлт пен ұлыстың қатысуымен болған мереке, жиналған қауымға ұмытылмас әсер сыйлады.

Кейін қарай