Тәжікстан Республикасының Қазақстандағы Төтенше және өкілетті елшісі Хайрулло Ибодзода Наурыз мейрамы қарсаңында көне Тараз шаһарына арнайы сапармен келді.

Түркі халықтарының мерекесі қарсаңында орын алған кездесуге өңірлік ассамблеяның этномәдени бірлестік басшылары, облыстық тәжік этномәдени бірлестігінің өкілдері, өнерпаз жастары, «Қоғамдық келісім» КММ қызметкерлері қатысты.

Қонақтар шара басында тәжік халқының тарихы, мәдениеті, әдебиеті мен әдет-ғұрпы, салт-дәстүрінен сыр шертетін көрмені тамашалады. Сондай-ақ қонақтар қазақ және тәжік ұлттық тағамдарынан ауыз тиді.

Сондай-ақ, Жамбыл облысы әкімдігінің ішкі саясат басқармасы «Қоғамдық келісім» КММ басшысы Парида Иманжанқызы тәжік делегациясын бірнеше этносты бір шаңырақтың астына біріктірген Достық үйінің құрылымымен, тәжік этномәдени орталығының тыныс-тіршілігімен таныстыра кетті. Мерекелік кездесуде тәжік халқының ұлттық аспаптарының сүйемелдеуімен әндер шырқалып, «Асылжан» би ансамблі қазақ халқының ұлттық биін биледі.

Іс-шара облыстық тәжік этномәдени бірлестігінің төрағасы Алижон Шукурұлы мен Тәжікстан елшісінің бір-біріне естелік сыйлық тарту етуімен аяқталды.

Кейін қарай