Бүгін облыстық «Қоғамдық келісім» КММ Халықаралық балаларды қорғау күніне арналған мүмкіндігі шектеулі балалар арасында дәстүрлі ІХ «Талаптыға нұр жауар!» шығармашылық фестивалі өтті.

Іс-шара мүмкіндігі шектеулі балалар мен жасөспірімдердің шығармашылық қабілеттерін, әлеуметтік белсенділігін арттыру, фестивальға қатысушылардың жеке шығармашылық әлеуетінің қалыптасуына және оның ашылуына көмек көрсету мақсатында өтті.

Мерекелік бағдарлама «Қоғамдық келісім» КММ директоры Серік Бимұханбетов және облыстық Аналар кеңесінің төрайымы Несіпжамал Баймадиеваның құттықтауынан басталды.

Фестиваль аясында балалардың қолдарымен жасаған бұйымдардан көрме ұйымдастырылып, ән, би номинациялары бойынша өнер көрсетті.

Көтеріңкі көңіл-күймен аяқталған бүлдіршіндер мерекесі аясында қайырымдылық дастарханы жайылып, қатысушылар алғыс хаттармен және бағалы сыйлықтармен марапатталды.

Кейін қарай