«Қоғамдық келісім» КММ-сі Талдықорған қаласының №9 орта мектебімен бірлесіп Алғыс айту күніне орай дөңгелек үстел ұйымдастырды.

Кездесуінің басты мақсаты – өскелең ұрпақты достыққа, бір-біріне деген құрмет пен толеранттылыққа, Отан сүйгіштікке тәрбиелеу. Сондай-ақ, этносаралық келісім мен ұлтаралық қарым-қатынасты нығайту болып табылады.

Кездесуге облыстық Аналар кеңесінің төрайымы Несіпжамал Баймадиева, Алматы облысы бойынша Бас прокуратура жанындағы Құқықтық статистика және арнайы есепке алу жөніндегі комитеттің басқармасы бөлімінің аға прокуроры Ардақ Карбозова, кәсіпкерлер, БАҚ өкілдері, мектеп оқушылары қатысты.

Жиын барысында Қазақстан халқы Ассамблеясы туралы қысқаша бейнеролик көрсетілді және спикерлер алғысхаттармен марапатталды.

Алғыс айту күні – Қазақстан халқының мәңгілікке біріктіруге бағытталған «Мәңгілік Ел» жалпыұлттық патриоттық идеясының, қазақстандық бірегейліктң негізгі арқауы – еліміздегі барлық ұлт пен ұлысты бір шаңырақ астына топтастыратын Қазақстан халқы Ассамблеясының күні. Бұл ең алдымен елімізде тыныштық пен үндестік, өзара сенімділік пен барлық қазақстандықтарға деген құрметтің орнығуына негіз болған бейбітшілік пен келісім саясатының салтанатты күні.

Кейін қарай