Талдықорғанда «Қоғамдық келісім» КММ-нің ұйымдастыруымен белсенді ауыл жастарын қолдауға арналған Алматы облысындағы алғашқы «Jer Jannaty Jetisy» жобалар бизнес-жобалар байқауы өтті.

Алматы облысы әкімінің орынбасары Рустам Әли жоба байқауының жеңімпаздарын құттықтай отырып, жобаны іске асырудың жоғары әлеуметтік маңыздылығына тоқталды.

Жеңімпаздарға 500 мың теңге көлемінде ақшалай сертификаттар салтанатты түрде табыс етілді. Айта кетейік, байқау комиссиясына 80-нен астам жоба ұсынылды. Бірақ бизнес идеялары өміршең болып табылатын және нарықта маңыздылығы жоғары 10 бастаушы кәсіпкер ғана өздерінің лайықты марапаттарына ие болды.

Сонымен, Алакөл ауданының Лепсі ауылынан Фазыл Аитов, Ақсу ауданы Сағабүйен ауылынан Арай Ахмет және Жандос Әбубәкіров, Ұйғыр ауданының Шонжы ауылынан Аркенжан Ивраимов, Кеген ауданының Жалаңаш ауылынан Жаңыл Бағыбаева, Алакөл ауданының Қабанбай ауылынан Ерасыл Қыдырбай, Қаратал ауданының Үштөбе қаласынан Мөлдір Сайлау, Қаратал ауданының Үштөбе қаласынан Айдар Самылтыров, Ескелді ауданының Алдабергенов және Панфилов ауданының Бөрібай би ауылынан Ерболат Тоқтасын жарты миллион теңгенің бақытты иегерлері атанды.

Кейін қарай