Талдықорған қаласында Алматы облысы әкімдігі мен «Қоғамдық келісім» КММ-нің қолдауымен «Туган тель» облыстық татар этномәдени орталығының ұйымдастыруымен дүниежүзілік татар халқының тағамдары күні аталып өтті.

Іс-шараны Алматы облысы ішкі саясат басқармасының басшысы Болат Керімбек, «Қоғамдық келісім» КММ директоры Серік Упиев құттықтау сөзімен ашты.

Дүниежүзілік татар тағамдары күні 2006 жылдан бері жыл сайын атап өтіледі. Татар халқының ұлттық тағамдары күнін тойлау бүкіл әлемге танымал шебер-аспазшы, Халық достығы орденінің кавалері Юнус Ахметзянов тығыз байланысты. Ол татар халқының тарихына ұлттық тағамдар дәстүрін дәріптеуші, татар халқының қонақжайлылығын жандандырушы тұлға ретінде танылған.

Жиын Талдықорған қаласының шығармашылық ұжымдарының қатысуымен концерт, татар тағамдары мен бұйымдарының көрмесімен жалғасын тапты. Сатудан түскен барлық қаражат шұғыл көмекке мұқтаж Нұртас Ерболұлына қайырымдылыққа бағытталатын болады.

Аспаздық жәрмеңкесінен бөлек викториналар, конкурстар, түрлі ойындар, сондай-ақ татар аспаздық өнері бойынша мастер-класс өтті. Соңында байқау жеңімпаздары, сондай-ақ белсенділер алғысхаттармен марапатталды.

Кейін қарай