Талдықорған қаласының Достық үйінде саяси қуғын-сүргін құрбандарын еске алу күніне арналған «Тарихқа тағзым» акциясы аясында облыстық Қазақстан халқы ассамблеясы жанындағы жетекші журналистер мен сарапшылар клубының дөңгелек үстелі өтті.

Шара барысында 31 мамыр – қуғын-сүргін құрбандарын еске алу Күнін ұйымдастырып, өткізу бойынша БАҚ-тың рөлі туралы облыстық «Огни Алатау» газетінің бас редакторы Атсалим Идигов баяндама жасап, Тәуелсіз Қазақстанның әрбір азаматы мен өскелен ұрпақ үшін жазықсыз құрбан болған халқымыздың ардақты ұл-қыздарын еске алу қасиетті парыз екенін атап өтті.
Облыстық Қазақстан халқы Ассамблеясының бас маманы Әбілқайыр Оралов этножурналистика саласындағы «ШАҢЫРАҚ - 2019» шығармашылық байқауының осы жылғы ережесімен таныстырып өтті.

Отырыс қорытындысында ҚХА жұмысын насихаттап, газет беттерінде этносаралық татулық пен қоғамдық келісімді нығайту мақсатында арнайы рубрикалары бар газеттер ұжымы алғыс хаттармен марапатталды.

Кейін қарай