Аталған қайырымдылық шарасы жыл сайын дәстүрлі түрде өткізіліп келеді. Қан өткізуге, қайырымдылыққа ерікті түрде атсалысатын жастардың биылғы жылғы шарасы «Өмір сыйла» атауымен өткізілді.

Қолдарына ҚХА жалауын ұстаған жастар, Тараз қаласының Тұңғыш Президент атындағы саябағынан бастап «Қан орталығы» ғимаратына дейінгі аралықты салтанатты шерумен жүріп өтті.

Орталық  басшысы Гулам Умаров қайырымдылық іске белсене араласқан жастардың  ізгі ниеттеріне ризашылығын білдіріп, осынау дәстүрлі шараның жалғасын тауып, қайырымдылыққа жаны құмар мейірімді жастардың саны көбейсе деген тілегін де жасырмады. 

Өз  кезегінде Жамбыл облыстық «Жаңғыру жолы» республикалық жастар қозғалысының өңірлік штабы жастарының жетекшісі Хамида Турдыева: «Қайырымдылық акциясына барлығы 70 жас қатысып белсенділік танытты.  Былтырғы жылмен салыстырғанда биылғы жылы ерікті донорлар саны артты. «Өмір сыйла» қайырымдылық акциясы алдағы уақытта да өз жалғасын табады және оған қатысушылар саны да артып келеді».  

Кейін қарай