Тараз қаласының «Қоғамдық келісім» коммуналдық мемлекеттік мекемесінде «Жамбыл облысының Немістер қоғамы» қоғамдық бірлестігі «Hallo, es ist Zeit für den Herbst!» мерекесі аталып өтті.

Бұл іс-шара «Erntedankfest» - «Егін жинау» науқанына арналған. Германияда неміс этносының салт-дәстүрі бойынша егін жинау мерекесі қазан айының бірінші жексенбісінде атап өтіледі екен. Бұл дәстүрдің түп-тамыры - рим салт-дәстүрінен бастау алады. Неміс халқы егін-астық берекелі шықса қуанып, оған қамқорлық жасаған Құдайға алғыс айту ретінде өз рәсімдерін жасаған. Сондай-ақ, ежелгі шаруалар егіннің өзіндік өсу немесе өлім рухы бар деп наным-сенім жасаған.

Сонымен бірге, бұл күні Құдай үйінің қабырғалары мол өнім берген жеміс-жидектермен және гүл шоқтарымен безендіріледі.

Аталмыш іс-шарадағы құттықтау сөз сөйлеу еншісі облыстық Немістер қоғамының директоры Николай Фастқа берілді.

Мерекелік жиын вокалдық және хореографиялық концерттік бағдарламаға ұласты. Атап айтсақ, бишілердің орындауында «Gemüsetanz» биі ұсынылды. «Überall sind schone Bunte Farben», «Hej Jo», «Juwel band», «Zicke zacke Juwel band», «Und war sie schon war noch einmal» және т.б. әндері шырқалды.

Кеш соңы көрермендердің «Көкөніс себетін көтерген қыз» сахна қойылымын тамашалауымен аяқталды.

Кейін қарай