Қазақстан Республикасы Тәуелсіздігінің 30 жылдығы қарсаңында Жамбыл облыстық Махмұт Қашқари атындағы Ұйғыр этномәдени бірлестігі қарттар күніне арналған «Үлгілі қарттар» атты іс-шара өткізді.

«Машраб» Ақсақалдар кеңесіндегі іс-шарада бірлестік төрайымы Мұхабат Тұрдыева сөз сөйлеп, ұлағатты қарттарымызды қадірлеп, олардың бастамаларын қолдап отыру керектігін жеткізді. Сөзінің соңында Ақсақалдар кеңесіне ұйғыр бірлестігінің жұмысына қолдау көрсеткені үшін алғыс айтып, Жамбыл облысы ішкі саясат басқармасының бұрыңғы басшысы Жаманкөзов Бейқұт Тілебалдыұлының атынан алғыс хаттар мен естелік сыйлықтар табыс етті.

Сонымен қатар, ұйғыр бірлестігі Ақсақалдар кеңесінің төрағасы Қайым Мұсаев орталықтың жұмысына алғысын білдірді.

Сондай-ақ, осы күні аталмыш этномәдени бірлестіктің Аналар кеңесінің отырысы өтіп, орталық төрайымы Мұхабат Тұрдыева қоғамдық және мәдени жұмыстарға атсалысқан белсенді әйелдер қауымын құттықтап, Жамбыл облысы ішкі саясат басқармасының басшысы Б.Жаманкөзовтың атынан алғыс хаттар мен арнайы сыйлықтар ұсынды.

Кейін қарай