20 маусым күні солжағалық кешеніндегі этноауылдың орталық сахнасында татар халқының көптен күткен «Сабантуй» мерекесі өтті. Қазақстан халқы Ассамблеясының 20 жылдығы аясындағы мерекелік күн Ұлы Отан соғысының батыры, татар халқының ұлы перзенті Мұса Жәлел ескерткішінің ашылуынан басталды. Ескерткіштің ашылуына құрметті қонақтар  Татарстанның Мәдениет Министрі - Аймурат Миннимулович Сибагатуллин, татарлардың әлемдік конгресі төрағасының бірінші орынбасары - Данис Фанисович Шакиров, ҚР Парламенті Мәжілісінің депутаты - Светлана Ивановна Ферхо, Өскемен қаласындағы РФ бас елшілігінің вице-консулы - Наталия Михайловна Ботарева, «Идел» Қазақстандағы татарлар этнобірлестіктері ассоциасының президенті Габдулхай Мухаметкалиевич Ишмуратов, ШҚО және қала әкімдігі, этномәдени бірлестіктердің төрағалары, сонымен бірге облыстан келген басқа да қонақтар қатысты.     Салтанатты шарадан соң этноауылдың орталық сахнасында басталған «Сабантуй» мерекесінде, Шығыс Қазақстан облысы әкімінің орынбасары Ж.М. Омар іс-шара демеушілерін және татар этномәдени бірлестігінің белсенділерін алғыс хатпен, ал Татарстанның Мәдениет Министрі  А.М.        Сибагатуллин «Идел» Қазақстандағы татарлар этнобірлестіктері ассоциасының президенті Ғ. Ишмуратовты медальмен марапаттады. Бұдан соң мереке халықтық ойын-сауықпен жалғасты, сахнада Татарстаннан, облыстан  келген әншілер мен  қаланың этномәдени бірлестіктерінің өнерпаздарының орындауында, адам жанын жадырататын  әсем әндер шырқалды. Көрші алаңдарда татарша күрес, гір көтеруден, қол күресінен, сонымен бірге бөренеден жүру сияқты  дәстүрлі спорттық жарыстар өтті. Ал кішкентай қатысушылар үшін қаппен, шөлкемен жүгіру және қыш құмыраларды таяқпен сындыру сияқты ойындар ұйымдастрылды. Мереке соңында басты спорттық ойындардың қорытындысы шығарылып, бағалы сыйлықтар, алғыс хаттар, естелік сыйлықтар табысталды. Күрестен бірінші орын алған жеңімпазға жылдағы дәстүр бойынша марқа берілді. Сонымен бірге мерекеге келгендер ұлттық тағамдардын дәм татып, өз әсерлерімен бөлісті. 

Кейін қарай