Қазақстан халқы Ассамблеясының «Татулық пен келісім жолымен» халықтық телеэкспедициясы Түркістан қаласында жалғасты. Телевизиялық жобаны Қазақстан халқы Ассамблеясы төрағасының орынбасары Мая Бекбаева бастап келді.

Экспедиция барысында қонақтар көне шаһардың көрікті жерлеріне, атап айтсақ, Қожа Ахмет Ясауи кесенесіне, Визит орталыққа және «Керуен сарай» туристік кешеніне барды. Сондай-ақ Тәуелсіздіктің 30 жылында бой көтерген нысандар мен ғимараттарға түсірілімдер жасалды.

Еске сала кетсек, таяуда облыс орталығында басқармалар үйінен Түркістан облыстық Қазақстан халқы Ассамблеясы жанындағы құрылымдар мен этномәдени бірлестіктеріне арналған арнайы «Достық» кабинеті ашылды.

Президент тапсырмасына сәйкес, келесі жылы Түркістан қаласында облыс әкімдігінің қолдауымен Достық үйінің құрылысы басталып, 2023 жылы пайдалануға беріледі деп жоспарлануда. Онда туындаған мәселелерді практикалық тұрғыда талқылауға, этностардың береке-бірлігін арттыруға жан-жақты жағдай жасалатын болады.

Кейін қарай