Алғыс айту күнi – елiмiзде тыныштық пен үндестiк, өзаpа сенiмдiлiк пен баpлық қазақстандықтаpға деген құpметтiң opнығуына негiз бoлған бейбiтшiлiк пен келiсiм саясатының салтанаты күнi.

Жамбыл облысы Жуалы аудандық «Мехрибан» әзірбайжан этномәдени орталығының мүшесі Расим Сулейманов:

- Алғыс айту күні – ортақ тарихымыздың символы іспеттес, Қазақстан халқының бірлігінің, татулығының, ынтымағының күні. Ел өміріндегі осынау маңызды мерекені биыл алтыншы мәрте атап өткелі отырмыз.

«Тағдырдың кім көнбейді салғанына» демекші, ата-бабаларымыздың айтуынша, біздің әзірбайжан халқының бірсыпырасы ХХ ғасырдың отызыншы жылдары тарихи Отандарынан қасиетті қазақ жеріне жер аударылған. Міне, әзірбайжандардың содан бері жергілікті қазақ халқымен татулығының жарасқаны соншалық ағайын, туыс-бауырдай аралас-құралас болып кетті.

Қазақстан – көпұлтты мемлекет. Соның ішінде, біздің Жуалы ауданында қазақ, шешен, орыс, әзірбайжан, өзбек, татар, тағы басқа ұлттардың өкілдері бір үйдің баласындай татулықта тіршілік етіп келеді. Бұл – бақ пен ырыс қатар дарыған біздің елдегі ұйысқан ынтымақ пен татулықтың белгісі. Бұл – Тұңғыш Президент-Елбасы Нұрсұлтан Назарбаевтың сындарлы да салиқалы саясатының жемісі. Бұл – әлем елдеріне үлгі ретінде көрсете алатын басты құндылығымыз деп білемін.

Бірлік – біздің қасиетті туымыз. Бірлік бар жерде ғана берекелі тірлік болмақ. Қазақстан халқының ауызбіршілігі мықты болғанда ғана еліміз табысқа жетеді, болашағымыз да жарқын болады. Бірлікті қасиет тұтқанда ғана айымыз оңынан туып, күніміз нұрлана түспек. Осыны әсте естен шығаруға болмайды. Алда келе жатқан Алғыс айту күні мерекесі барша қазақстандықтар үшін құтты болсын. Қай заманда да ауызбіршіліктен, татулықтан, достықтан асқан құндылық болған емес. Ендеше, ортақ Отанымыздың дамуына аянбай үлес қоса берейік. Достығымыз жасасын. Бір-бірімізге алғыс айтып жүрейік, - дейді.

Кейін қарай