Петропавл қаласы теміржол колледжінің  студентеріне арналған «Қазақстандағы этносаралық келісім» тақырыбы бойынша дәріс өтті.

Солтүстік Қазақстан облыстық Қазақстан халқы ассамблеясының "Urpaq" қазақмәдени-ағартушылық орталығының төрайымы, доцент Гүлбахша Мұсабаева оқушылармен қызықты әңгіме өрбітті. Ол студенттерге патриотизм, тәуелсіздік, этносаралық қарым-қатынас және еліміздің қазіргі ахуалы жайында айтты.

«Қазақстан мемлекеттілігін қалыптастыруда ауыр жылдарды басынан өткерді, айналасындағы елдермен салыстырғанда: аштық та, күйреу де кедейлік те болды. Алайда Елбасының сауатты және ойластырылған моделіне байланысты Қазақстан Тәуелсіздіктің 25 жылы ішінде мемлекеттер арасында ең дамыған ел атанып, тыныштығы мен бірлігін сақтап қалды», - деді ол.

Дәріс барысында бірінші және екінші курс студенттері әңгімеге үлкен қызығушылық танытты. Баяндалған ақпаратты мұқият тыңдаған олар  Гүлбахша Нұмұқанқызының барлық сұрақтарына жауап беріп, бірлік пен бірегейлік, толеранттылықтың не екені жайында өз пікірлерін білдірді.

Дәріс соңында  Гүлбахша Мұсабаева  кездесудің естелігі ретінде колледжге Ассамблея туралы кітаптарды  табыс етті. Теміржол колледжі директорының орынбасары Татьяна Никитина бұл әңгімелесудің пайдасын және студенттер тарапынан белсенділікті байқағандығын атап көрсетті. Колледж әкімшілігі дәріскерге кездесу үшін алғыс білдіріп, болашақта әлі талай жобаларды  бірігіп іске асыратындығын айтты.

Кейін қарай