10 қаңтар күні «Қоғамдық келісім» мемлекеттік мекемесінің «Достық» концерттік залында «Т.Г. Шевченко атындағы украин мәдениетінің Павлодар серіктестігі» облыстық қоғамдық бірлестігі үлкен Рождестволық концерт ұйымдастырды.

Мерекеге серіктестіктің белсенді мүшелері мен көптеген облыстық этномәдени бірлестіктердің белсенділері мен қала тұрғындары атсалысты.

Украиндар үшін Рождество ерекше мейрам болып табылады. Бұл күні жанұя мүшелері бір дастархан басында жиналады. Дастарханға арнайы «кутья» деп аталатын ас қойылады. Ол Рождествоның соңына дайін дастарханда тұруы қажет. Роджество «Крещение» деп аталатын мерекемен қаңтардың 19-шы жұлдызында аяқталады.

Шара барысында украин халық әндері мен билері көрермендерге ерекше көңіл-күй сыйлады. Халыққа лық толы концерттік зал сахынадағы әрбір нөмірді қол соғып қарсы алды. Мереке соңында «Т.Г. Шевченко атындағы украин мәдениетінің Павлодар серіктестігі» облыстық қоғамдық бірлестігінің төрағасы М.С. Парипаса бағдарлама көрермендерін мерекемен құттықтап, жылы лебізін білдірді.

Павлодар облысы әкімі аппаратының

«Қоғамдық келісім» КММ

медиа қамтамасыз ету бөлімі

Кейін қарай