Ақмола облысы әкімі аппараты жанындағы «Қоғамдық келісім» мекемесінде 21 қаңтар күні Қазақстан халқы Ақмола облыстық ассамблеясының ғылыми-талдамалық орталығының кеңейтілген мәжілісі болып өтті. Оны өткізуге Көкшетау қаласындағы жоғары оқу орындарының ҚХА кафедралары атсалысты. Күн тәртібіне қойылған үш мәселенің негізгісі - Қазақстан Республикасы  Парламенті Мәжілісінің кезектен тыс өтетін сайлауы болды.

 Кеңейтілген мәжіліске төрағалық еткен Қазақстан халқы ассамблеясының мүшесі,  ғылыми – сараптамалық топтың мүшесі Ғосман Төлеғұл.

 «Біз Қазақстан Республикасының Президенті Нұрсұлтан Назарбаевтың Парламент Мәжілісін тарату және оның кезектен тыс сайлауын өткізу туралы шешімін қолдаймыз. Бұл сайлау әрқайсымыздың азаматтық көзқарасымызды білдіруі тиіс. Жаңадан сайланған депутаттық корпустан тиімді жұмыс істеп, заң шығармашылығының жоғары сапасын көрсетеді, сондай-ақ халық бірлігін сақтау үшін азаматтар мен партиялардың диалогын қамтамасыз етеді деп күтеміз.   Әлемдік аренада Қазақстан өз орнын алған мемлекет, біз тағы да ауызбіршілік танытып, сайлауға халықтың жаппай қатысуын қамтамасыз етеміз деген сенімдемін», - деп көпшіліктің ойын жеткізді Ғ.Төлеғұл.  

«Қоғамдық келісім»

 мекемесінің  баспасөз орталығы

Кейін қарай