Қызылордада Медиация күніне орай «Медиацияның карантин барысында халыққа пайдасы» тақырыбында онлайн конференциясы болып өтті.

Онлайн конференцияны облыстық Қазақстан халқы ассамблеясы хатшылығының меңгерушісі Жағыпар Тажмаханов жүргізді.

Барша медиаторларды ең алдымен 5 тамыз – Медиация күнімен шын жүректен құттықтаған хатшылық меңгерушісі өңірде медиация институтының қанат жайып, бой көтеруі шарада отырған тұлғалардың тікелей атсалысуымен қол жеткізген дүние екендігін, бітімгершілікке қатысты азаматтардың барлығының басын қосып, осы алқалы жиынды ұйымдастыруды жөн көргендігін айтты.

Шара барысында облыстық соттың судьясы Клара Қаниева, Қызылорда облыстық кәсіподақ ұйымы басшысының орынбасары Марат Бәйімбетов, «Бітім» медиация орталығының тренер-медиаторы Ләззат Бақтыбаева және облыстық «Жастар ресрустық орталығы» КММ бөлім басшысы, психолог Сымбат Абдрахманова баяндама оқыды.

Сонымен қатар, өңірдегі медиация саласына қатысты туындаған өзекті мәселелерді талқылау, ауқымдылығына қарай шешімін қарастыру, түйіні шешуге келмесе жоғары тұрған лауазымды тұлғалар мен мемлекеттік органдарға жеткізу және тұрғындардың өзекті мәселелері бойынша медиация әдісін қолданудың тиімділігін көрсету сынды өзекті мәселелер талқыға салынды.

Онлайн конференция ZOOM қосымшасы, әлеуметтік желілер арқылы тікелей эфирде өткен болатын.

Сонымен қатар, конференция барысында осы жылы ерекше жұмысымен көзге түсіп, бітімгершілік саласына серпіліс берген бірқатар тұлғалар облыс әкімі және қала әкімінің Алғыс хаттарымен марапатталды.

Кейін қарай