Қазақстан халқы Ассамблеясы

08 Қаңтар, 2020

1253

Қызылордада 800 бала Аяз атаның Жаңа жылдық сыйлықтарына ие болды

Қызылордадағы А. Тоқмағамбетов атындағы мәдениет үйінде дәстүрге айналған «Славяне» қоғамдық мәдени-орталығы» қоғамдық бірлестігінің ұйымдастырумен бастауыш және мектепке дейінгі балаларға арналған жаңажылдық шырша кеші өтті.

Жаңа жылдық ертеңгілікті Галина Щербакова бастаған «Славяне» қоғамдық-мәдени орталығының белсенділері ұйымдастырды.


Ертеңгілікке этномәдени бірлестіктердің, аз қамтылған отбасылардың балалары және қала мектептерінің оқушылары шақырылды – барлығы 800-ге жуық бала қатысты.

Шығыс күнтізбесі бойынша 2020 жыл – Тышқан жылы, сондықтан көптеген көріністер осы жануармен байланыстырылды. Мысалы, шыршаға қатысушылар «Щелкунчик және Тышқан патшасы» ертегісінің желісі бойынша қойылымды тамашалады.

Балалар Аяз Ата мен Ақшақарды дауыстап шақырып, «Надежда» вокалдық тобымен бірге жаңа жылдық әндер шырқап, шыршаны айналды. «Жемчужинка» би тобымен бірге әсерлі би билеп, тақпақтар айтты, ертегі сиқыршыларының жұмбақтарын шешіп, көңілді эстафеталарда жылдамдық пен ептілік танытты.

Рождество қарсаңында өткен мерекелік ертеңгіліктің соңында Қазақстандағы Ресей елшілігі атынан барлық балаларға тәтті сыйлықтар таратылды.


Кейін қарай