Қызылорда қаласының Достық үйінде Zoom форматында Қызылорда облыстық Қазақстан халқы Ассамблеясы жанындағы Аналар кеңесінің отырысы өтті.

Оған "Қоғамдық келісім" КММ директорының орынбасары Мартана Даулетбаева, облыстық Аналар кеңесінің төрайымы Рахима Ахметова, "Қоғамдық келісім" КММ аға сарапшысы Светлана Крюгер, аудандардағы этносаралық қатынастар жөніндегі сарапшылар, сондай-ақ аудандық Аналар кеңестерінің төрайымдары қатысты. Отырыста аудандық Аналар кеңесі төрайымдары мен аудандардағы "Қоғамдық келісім" КММ сарапшыларының есептері тыңдалды. Мәселелерді талқылау барысында өңірлердегі Аналар кеңестері құрылғаннан бері көптеген жұмыстар атқарылғаны айтылды.

- Аналар кеңесі атқаратын жобалар отбасылық дәстүрлерге, ана мен әкенің рөліне, ұрпақ тәрбиесіне бағытталатын болады. Сол сияқты қоғамда бірлікті, келісімді, бейбітшілікті нығайтуға күш салмақ. Біз барлық аудан басшылығының атына Аналар кеңесінің жұмысын жандандыру, олардың жұмысын жақсарту, қоғамдық әлеуетін пайдалану туралы хаттар жолдап отырмыз, - деп атап өтті Р.Ахметова.

Алдағы уақытта Аналар кеңесінің ағымдағы жұмысын талқылау үшін осындай отырысты онлайн-форматта апта сайын өткізу жоспарланып отыр.

Кейін қарай