Қызылорда облыстық ішкі саясат басқармасы «Қоғамдық келісім» КММ этнос өкілдерімен бірлесіп, Теміржол саябағында Тәуелсіздіктің 30 жылдығына арналған «Таза табиғат» акциясын өткізді.

Оған облыстық ішкі саясат басқармасы «Қоғамдық келісім» КММ директоры Бауыржан Мастеков, облыстық этномәдени бірлестік жетекшілері, белсенділері, «Жаңғыру жолы» жастар қозғалысы және «Волонтерлар фронт-офис» өкілдері, мекеме қызметкерлері қатысты.

Облыстық ішкі саясат басқармасы «Қоғамдық келісім» КММ директоры Бауыржан Мастеков:

- Бүгін этномәдени бірлестіктің өкілдері, мекеме қызметкерлері бірлесіп, республика көлемінде жүріп жатқан игі акцияға өз үлестерін қосты. Бүгін 200-ге жуық көшет отырғыздық. Қала – ортақ үйіміз, оның көркеюі мен жасыл желекке айналуы ел мерейі, -деді.

Акцияға қатысушылар алдағы уақытта қаланың абаттануы үшін өз күштерін аямайтындарын айтып өтті.

Кейін қарай