Қазақстан халқы Ассамблеясы Төрағасының орынбасары Марат Әзілханов Қызылорда қаласындағы Достық үйінде этномәдени бірлестіктер мен ҚХА-ның қоғамдық құрылымдары өкілдерімен кездесу өткізді.

Кездесуде ҚХА-ның XXXIV сессиясының шешімдерін іске асыру мәселелері, ҚХА-ның қоғамдық жобалары, өңірлік Ассамблея мүшелерінің этносаралық құндылықтарды ілгерілетуге, ҚХА-ның 30 жылдығына арналған әлеуметтік жобалар мен Кәсіптік жұмысшылар жылы, ҚР Конституциясының 30 жылдығы, Абайдың 180 жылдығы және басқа да атаулы күндерге орай ұйымдастырылатын іс-шараларға қатысуы талқыланды.

Сонымен қатар, әріптестеріне Алматы, Жетісу, Жамбыл және Түркістан облыстарының кейбір аудандарында аудандық деңгейдегі Ассамблеялар құру жөніндегі жұмыс барысы, Ақтау қаласында өтетін республикалық этномедиаторлар форумы, Өскемен қаласындағы Достық үйлері конгресі және Астанадағы ҚХА академиясы туралы баяндады.

ҚХА-ның «Мектепке жол», «Қайырымдылық керуені» секілді қайырымдылық жобаларын жүзеге асыру және Ассамблея жанындағы еріктілер бастамаларының әлеуметтік бағыттарын дамыту жұмысын жандандырудың маңыздылығын атап өтті.

Кейін қарай