Қызылорда қаласының Достық үйінің мәжіліс залында облыстық Қазақстан халқы Ассамблеясының ұйымдастыруымен «Мәміле» қазақ тілі пікір алмасу клубының отырысы болып өтті. Оған «Жаңғыру жолы» жастар қозғалысының белсенді мүшелері, мектеп оқушылары және ұстаздар қауымы қатысты.

«Мәміле» пікір алмасу клубының басты мақсаты мемлекеттік тілді, қазақ халқының тарихи және мәдени мұрасын зерттеу арқылы Қазақстандағы азаматтық қоғамды топтастыру болып табылады.

Отырысты «Қоғамдық келісім» КММ аға сарапшысы, клубтың үйлестірушісі Гүлзира Сәрсенбек жүргізіп, өңірдегі тіл үйретудің жай-күйі, облыстық Ассамблеяның тіл саясатын жүзеге асыру, «Ситуативті қазақ тілі» кітабы жөнінде сөз қозғады.

Қызылорда облыстық ішкі саясатқа қарасты тілдерді оқыту орталығы ғылыми-әдістемелік бөлімінің басшысы Айдана Махамбет қазақ тілінің бастапқы ережелерін түсіндіріп, келелі ойларын ортаға салды. Сондай-ақ тіл үйренудің өзіндік жолдарын қарастырып, насихаттап жүрген облыстық Қазақстан халқы Ассамблеясы жанындағы «Жаңғыру жолы» жастар қозғалысының белсендісі Евгений Демиденко тіл меңгерудің ең тиімді тәсілдерін айтып, өз ұсыныстарын білдірді.

Отырыс соңында қатысушылар топ болып, кластер құрып, қазақ тілін үйренудегі түрлі әдістермен бөлісті.

Кейін қарай