Қызылорда қаласының Достық үйінің концерт залында «Көктем мерекесі – 2022» атты дәстүрге айналған кеш өтті. Облыстық Қазақстан халқы ассамблеясының қолдауымен Татар этномәдени бірлестігінің ұйытқысымен өткен шара Алғыс айту күні мен 8 наурыз – Халықаралық әйелдер күніне арналды.

Сегізінші жыл қатарынан өткізіліп отырған шараға облыстық ішкі саясат басқармасының «Қоғамдық келісім» КММ қызметкерлері, облыстық этномәдени бірлестік өкілдері мен қала тұрғындары қатысты.

Татар этномәдени бірлестігінің өнерпаз жастары ән-биден шашу шашып, залдағы көрермендердің көңіл-күйін көтерді. Шын жүректен алғыстарын білдіріп, мереке қонақтарына гүл шоқтарын сыйлады. Концерттік бағдарламада «Вайнах» шешен-ингуш этномәдени бірлестігінің жастарынан би нөмірлері орындалды.

Шара соңында «Қоғамдық келісім» КММ директоры Болатбек Айтбенбетов сөз сөйлеп, қымбатты аналар мен қыз-келіншектерді келе жатқан мерекемен құттықтады. Нәзік жандылардың әрбір бастамаларына табыс тіледі. Ал татар этномәдени бірлестігінің жетекшісі Галия Гизатуллина жас дарындар мен көрермендерге алғысын білдірді.

Кейін қарай