Қызылорда қаласында Қазақстан халқы Ассамблеясының «Жеңіс – бірлікте» спорттық платформасы аясында Қызылорда облыстық ҚХА Журналистер мен сарапшылар клубының ұйымдастыруымен дәстүрлі «ДОСТЫҚ LIVE» мини-футбол турнирі өтті.

Турнирге облыстық «Qyzylorda» телеарнасы, қалалық «Қоғам ТВ» телеарнасы, «Сыр медиа», меншікті тілшілер командасы және Қоғамдық даму басқармасының өкілдері қатысты.

Марапаттау рәсімі жылы әрі достық атмосферада өтті. Қатысушыларды Қазақстан халқы Ассамблеясы Хатшылығы - этносаралық қатынастар мәселелері жөніндегі бөлім басшысы Ерлан Сисенбиев, «Қоғамдық келісім» КММ директоры Бақытжан Камалов және облыстық ҚХА Журналистер мен сарапшылар клубының төрайымы Елена Рыбина құттықтады. Өз сөздерінде олар мұндай бастамалар өзара түсіністік пен достықты нығайтуға, сондай-ақ кәсіби ортада оң қарым-қатынас орнатуға септігін тигізетінін атап өтті.

Турнир қорытындысы бойынша барлық қатысушыларға дипломдар, сертификаттар, медальдар және «Достық кубогі» табысталды.

Шара тек спорттық дода ғана емес, сонымен қатар БАҚ өкілдерінің бейресми түрде пікір алмасып, идеялар мен позитивті энергия бөлісетін алаңына айналды. Турнирдің басты мақсаты – журналистер арасындағы достық байланыстарды нығайту, салауатты өмір салтын насихаттау және қоғамда өзара құрмет пен келісім құндылықтарын ілгерілету болды.

Кейін қарай