Шымкент қаласындағы «Қоғамдық келісім» КММ-де Оңтүстік Қазақстан облыстық ассамблеясы хатшылығының ұйымдастыруымен өңіріміздегі 20 этномәдени бірлестік төрағаларымен кездесу өткізілді. Жиын барысында хатшылық меңгерушісі М.Қалмұратов Ассамблея жылындағы атқарылған іс-шараларды қорытындылай келе, 2016 жылға бекітілген жұмыс жоспарларымен таныстырып өтті. Сонымен қатар, үстіміздегі жылы атқарылатын іс-шаралардың барлығын  Тәуелсіздіктің 25 жылдығы аясында, бекітілген желілік кестеге сәйкес  өткізу жоспарланғандығы айтылды. Жиынға қатысушыларды желілік кестедегі Ассамблеяға қатысты іс-шаралармен кеңінен таныстыра отырып,  ел Тәуелсіздігінің 25 жылдық мерейтойын жоғары деңгейде атап өтуге белсене атсалысуға шақырды.       

Жиын барысында этномәдени бірлестік төрағалары атынан сөз алған түрік этномәдени бірлестігінің төрағасы Л.Асанов: «Елбасымыздың 2016 жылғы 14 қаңтардағы №173 Жарлығы бойынша 1 наурыз Алғыс айту күні деп белгіленді. Осыған орай, Оңтүстік өңірін мекендеген 100-ден аса этнос өкілдері атынан «Қазақ халқына мың алғыс!» монументін орнату жұмыстары жүргізілуде. Монумент «Қоғамдық келісім» мекемесіне берілген бұрынғы «Қазақстан» кинотеатры жанына  орнатылады», - деп жиналғандарды хабардар етті. 

Кейін қарай