Жыл сайын жаңа жылдық демалыстарда «Казачья вольница» қоғамдық бірлестігі қайырымдылық акцияларын өткізуді дәстүрге айналдырған. Биылғы жылы қоғамдық бірлестік қайырымдылық шараны Қазақстан халқы Ассамблеясының «Қайырымдылық керуені» жалпыұлттық акциясы аясында Қазақстан Республикасы Тәуелсіздігінің 25 жылдығына арнап өткізді.

«Казачья вольница» «Лучик надежды» мүгедек балаларға көмек орталығы» қоғамдық ұйымымен бірлесіп, Ресей Федерациясының Қазақстан Республикасындағы елшілігінің қолдау көрсетуімен, дамуында ауытқуы бар, сал ауруына шалдыққан балаларды бағып отырған отбасылардың үйлерін аралап, Жаңа жылмен құттықтады.

«Казачья вольница» белсенділері ұлттық киім киіп, Аяз Ата мен Ақшақар бейнесінде кішкентай бүлдіршіндерге нағыз мереке жасады.

- Аталмыш шараны осымен тоғызыншы рет өткізіп отырмыз, - деп баяндайды «Казачья вольница» бірлестігі жастар қанатынің жетекшісі Михаил Кулишевич, - 21 отбасының үйінде болдық, балалардың жағдайымен таныстық. Барлық өнерімізді салып, оларға мерекелік көңіл-күй сыйлауға тырыстық. Балалардың көбісі Аяз Ата, Ақшақармен алғаш рет жүздесті. Әрбір іс-ашараны Қазақстан халқы Ассамблеясы атынан өткізіп келеміз, бұл дәстүрді әрі қарай жалғастыру ниеттеміз, - деп өз әсерімен бөлісті.

Ата-аналар өз тарапынан қайырымды іс күтпеген қуаныш болды дейді. Балалар шектеулі мүмкіндігіне қарай, қоғамдық мерекелерге қатыса алмайды, сондықтан әрбір жаңа таныстық олар үшін ерекше шаттық әкеледі.

Қазақстан халқы Ассамблеясының «Қайырымдылық керуені» жалпыұлттық акциясы 2015 жылдың 20 қарашасынан бастау алған. Ағымдағы жылы Қазақстан Тәуелсіздігінің 25 жылдығы аясында өткізілетін болады.

Қарағанды облысы әкімі аппаратының

"Қоғамдық келісім" КММ баспасөз қызметі

тел., WhatsApp: +77024190203

e-mail: kelisim_krg@bk.ru

Кейін қарай