Бүгін барша ел болып Президент Қасым-Жомарт Тоқаевтың «Жаңа Қазақстан: жаңару мен жаңғыру жолы» атты Қазақстан халқына Жолдауын үлкен ықыласпен тыңдадық.

Жолдауда саяси реформалар бағдарламасы жарияланып, бұл Жаңа Қазақстанның мемлекеттік құрылысының жаңа кезеңінің басталуын белгіледі.

Аталған реформалар Қ.Қ. Тоқаевтың президенттігінің алғашқы күндерінен бастап қолға алған түбегейлі өзгерістердің қисынды әрі ауқымды жалғасы болды.

Қазақстандық көшбасшының бастамалары мемлекетті демократияландыру және биліктің қайнар көзі Қазақстан халқы болып табылатыны туралы негізгі конституциялық постулатты нығайту үшін база болатыны сөзсіз.

Мемлекет басшысы негізгі саяси қайта құрулардан басқа геосаясат пен геоэкономикадағы турбуленттік жағдайындағы дағдарысқа қарсы шараларға назар аударды. Ел президенті Қазақстанның ауқымды дағдарысты еңсеру үшін қажетті қауіпсіздік қоры бар екеніне сендірді.

Сонымен бірге, Президент ең өзекті сұрақтарға жауап берді. Қасым-Жомарт Кемелұлы халықтың үніне құлақ асатынын көрсетті, өйткені оның бастамасымен қолға алынған барлық реформалар елдің көптен күткен реформалары болып табылады.

Мемлекет басшысы біздің басты үнемдеу ресурсымыз – халық бірлігі екенін тағы да атап өтті. Халықтың бірлігі Қаңтардағы оқиғалар кезіндегі ең қайғылы сценарийлерді жүзеге асыруға мүмкіндік бермеді. Ұлт бірлігі - ауқымды өзгерістерді жүзеге асырудың басты шарты.

«Біз кез келген сын - қатерді бірлесе еңсеріп, Қазақстанды одан да жақсырақ ете түсеміз», - деп атап өтті Мемлекет басшысы.

Біздің Президентіміз әрбір азаматты жаңа Қазақстанның құрылысшысы болуға шақырды.

Біз бәріміз жақсы жаққа қарай ауқымды өзгерістердің алдында тұрмыз. Қазір баршаға түсінікті әрі ортақ осы мақсатқа жетіп, осы жолды бірге еңсеру үшін халықтың бірлігі бұрынғыдан да асақажет.

Қазақстан халқы Ассамблеясы жаңа Жолдаудың міндеттерін толық қолдайды және оларды іске асыруға белсенді қатысады.

Қазақстан халқы Ассамблеясы

Төрағасының орынбасары –

Хатшылық меңгерушісі

Марат Әзілханов

Кейін қарай