Қайырымдылық іс-шараларын өткізу Жетісу облысындағы этномәдени бірлестіктердің өкілдері мен Қазақстан халқы Ассамблеясының мүшелері үшін бұрыннан жақсы дәстүрге айналған.

Жыл сайын жаңа оқу жылы қарсаңында облыстық этномәдени орталықтар халықтың әлеуметтік жағынан осал топтарынан шыққан балаларға көмек көрсетуге барынша үлес қосып келеді.

Қамтылу ауқымы орасан зор! Себебі баланы мектепке дайындау және оған қажеттінің барлығын сатып алу – біршама қаржыны талап етеді. Әсіресе, бірден бірнеше бала тәрбиелеп отырған отбасылар үшін өте қиын. Олардың әрқайсысы оқу жылына дайындалып, барлық қажетті кеңсе тауарларымен қамтамасыз етілуі керек.

Бұл ретте, Қазақстан халқы Ассамблеясының жылсайынғы «Мектепке жол» қайырымдылық акциясы Жетісу өңірінде де жалғасын табуда.

Облыстың Көксу ауданында 22 тамыз күні өткен акция аясында облыстық әзербайжан этномәдени орталығы Теректі ауылындағы №4 және Ақшатоған ауылындағы №5 орта мектептердің 20 оқушысын жаңа оқу жылына дайындады. «Нахичивань» әзербайжан орталығының төрағасы Магеррамов Фахреддин Джабраилович балаларға мектеп жиынтықтарын сыйлап, жаңа оқу жылында толағай табыстар тіледі.

Кейін қарай