Жамбыл облысының прокуратурасы жанындағы Құқықтық мониторинг орталығының алаңында «Медиация туралы» ҚР Заңы және оның қолданылуы бойынша Жамбыл облысының прокуратурасы ұйымдастырған құқықтық түсіндіру жұмысы өтті. Оған облыстық прокуратура өкілдері, судьялар, өңірлік ҚХА медиаторлары, адвокаттар, ішкі істер органдарының қызметкерлері қатысты.

Аталған іс-шараның мақсаты - қолданыстағы заңнамаға енгізілген өзгерістер туралы хабардар ету, сондай-ақ мемлекеттік және құқық қорғау органдарының дауларды реттеуде медиация институтын жандандыру.

Жамбыл облыстық прокуратураның 2-ші басқармасының бастығы Алмас Меңлібаев өз баяндамасында: «2020 жылы сотқа дейінгі тергеу барысында тараптардың татуласуына байланысты 1387 іс тоқтатылды, бұл алдыңғы жылмен салыстырғанда сотқа жіберілген істердің саны 16%-ға азайғанын білдіреді»- деп атап өтті. Сондай-ақ, қатысушыларды ҚР Жоғарғы Сотының 21.06.2001 ж. нормативтік қаулысына өзгерістер енгізу туралы түсіндіре келе, «ҚР Қылмыстық кодексінің 68-бабын қолдану жөніндегі сот практикасы туралы», оған қоса, (6-бап) сотқа дейінгі тергеп-тексеру органдарының татуластыру рәсімдерін пайдалануы туралы ережелерімен таныстырды.

Іс-шара соңы ҚХА медиаторлары дауларды сотқа дейін реттеуге қатысты келелі мәселелерді көтерумен аяқталды.

Кейін қарай