Бүгін Қазақстан бойынша облыстық, қалалық кітапханаларда, жоғары оқу орындары мен мектептерде және Достық үйлерінде бір уақытта қазақ тілінде «Мәңгілік Ел» жалпықазақстандық ашық диктанты өтті. Қазақ тілінен білімдерін тексеруге атқаратын қызметіне  және ұлтына қарамай әр жастағы адамдар қатысты.

«Мәңгілік Ел» патриоттық актісін насихаттауға арналған жалпықазақстандық диктантқа Жамбыл облысында мыңнан астам адам қатысты.

«Шоқан Уәлиханов атындағы облыстық кітапханада жүзге жуық этномәдени бірлестіктер өкілдері, жастар ұйымдарының өкілдері, мемлекеттік және азаматтық қызметкерлер, студенттер жалпықазақстандық ашық диктант жазды, - деп атап өтті облыс әкімі аппаратының «Қоғамдық келісім» КММ бөлім басшысы Сауле Құрманқұлова.  - Бұл іс-шараның басты мақсаты - «Мәңгілік Ел» патриоттық актісін насихаттау арқылы мемлекеттік тілді білуге қызығушылықты арттырып, қазақстандық бірегейлікті қалыптастыру, қоғамдық келісім мен ел бірлігін нығайту.

Сонымен қатар ашық диктант барлық жоғары оқу орындарында, кітапханалар мен қалалық және аудандық мектептерде жазылды.

Абай атындағы гуманитарлық колледждің студенті Марина Устинова бүгінгі диктантты мемлекеттік тілде жазып шықты. - Бұл диктант мемлекеттік тілді білуге бағытталды. Өзімнің сауаттылығымды тексеріп қана қоймай, ең бастысы Патриоттық актінің мәнін ұғынуға келіп отырмын, – деп атап өтті Марина.

Диктантты филолог оқытушылар тексерді. Диктант қорытындысы бойынша «өте жақсы» баға алған 19 қатысушы «Алғыс хаттармен» марапатталды.

Диктант жазуды жыл сайынғы дәстүрге айналдыру жоспарлануда.

                   Жамбыл облысы әкімі аппаратының

«Қоғамдық келісім» КММ баспасөз-қызметі

Кейін қарай